JOKIN URAIN ZERUARI SO

Egunsenti hilotzek irudiak dakarzkiote sabai gainera

Eguneroko eta berdin, arrotz eta etxeko

Hezetasun orbana larrea da kamaina gaineko zeruan

Hilabeteak dira bidea agertu denetik, eta langa

Eta azerien lausoa urrats gertuei uzkur

Harantzago, Alkortaraino hedatzen dira txara gorriak

Laino tarratatu artean mintzo mutua arin doa

Lasturren bederen mikek ez diote ohea eginen

Mutil zaildu zelarik bezalaxe: bakarrik

Inorekin hitz egin ezin lumarekin besterik