Zergatik ote da zuri ematen dizudala testamentua

Absentzia iritsi berri denean

                                     zuri

kontatzen dizut amaren magalera itzuli naizela

ama amatiar biluzia dei egiten dizut

                                               batzuetan

ohituraren orbanik gabe

                                jatorrizko

bekaturik gabe eta bestelako ankerkeriarik gabe kontzebitua

 

Oliba beltzezko Rosebuda ogi beltz

beroa eskua eskuan aurkitzea

gatza eta ogia eta apirileko goiza

apirila izango zara azkenik apirila apiril silueta

lur biziaren eta hildakoaren apirila batera

zure hanka luzeetan zazpi legoa

botoi-zulorik gabeko zure bularretan hersturaren kanibal

txikiaren zure ahoan gaztaro luzeko neskatxaren

bisaiaren finezia

                      Absentzia

emakumearen eta urruntasunaren izena daukazu

                                                                  Urruntasun

emakumearen eta itsutasunaren izena daukazu