Jakin baledi

susmatu arren esaten ez dena

Hiroshimak hitzik gabe

                                  utzi gintuenetik

 

munduko hirugarren gerra

deklaratu dela

                     hiltzen dela

lau puntu kardinaletan

lurra gurutziltzatzen dutela svastika batean

 

parking amortizagarritik urrun

esne gaingabetuaren supermerkatutik urrun

neguko oporretako lekuetatik urrun

seme-alaba bakar zabalgarriko familietatik

                                                             urrun

Louvretik eta poesia tonikotik urrun

                                                   urrun

oso urrun Plaza Gorritik eta Etxe Zuritik

                                                         jakin baledi

Libanoko vietnamdarrak kanalean zabaltzen dituztela

           Guatemalan

 

baina napalma ez zen asmatu Le Bois de Boulognerako

eta El Salvadorren bortxatutakoa ez da izango Miss Playboy

                                                                                     apirilean

nahiz eta apirilak hilik krudelena izaten jarraitu

 

gerra honetan bazter auzoetan baino ez da hiltzen

erdialdea hiri irekia da Ongiaren eta Gaitzaren

arteko adostasunaz eta Arimaren

                                               zientziak

kalkulatzen du nola kalkulatu kalkulaezina

                                                            esaterako

zenbat hil behar diren egunero Etiopian

soziala irten dadin

                          bat-batean

                                          poesia