Bilbao Song

 

Kurt Weillen abestian

sinisten nuen, Lotte Lenyak

lehorreratzeak iradokitzen zituen, galtzari

loreztatudun koristak, noski

portu bakoitzean amodio bat

 

                                         Bilbok

txapelaren eta euriaren azpian

itsasadar bat zeukan ordea

eta han merkatu hondarrak, merkantzia-ontzi

bikingoak, gizon bat lo

berdegune bateko belarraren gainean,

mendi bat A Montejurra

leloarekin, hodi luze bat

Santurtzitik Bilbora doan

erraila bezain

 

                    eta auzo dotore bat

bisaia europar eta gogorrekin,

lelo hau zeukaten kirol-autoekin

 

Egizu irribarre, faborez