Poesia kaiera
E. St. V. M. [1]
Ilea, andreak oraindik ere fede sutsuz gorritzat duena.
Begi kolorgeak,
Harridura umetar bat
Darabiltenak
Zeinerako estatistikoki ez duten
Eskubiderik.
Aho handia,
Lizuna,
Biraoek ozpindua.
Idun luzea,
Egunen batean
Estrangulatua izango dena.
Beso meheak,
Uda partean
Orinez lehoinabar.
Gorputz txikia,
Ez-esklamatiboa,
Baina,
Modan balego arropa barik ibiltzea,
Beste edozein
Bezain ondo jantzita legokeena.
[1] Edmund Wilson adiskide eta kritikariari Millayk 1920an bidalitako gutun batean egindako autorretratu ironikoa, zenbait kritikarik beraz esan ohi zituztenak parodiatzen dituena. I. O.
E. St. V. M.
Hair which she still devoutly trusts is red. / Colorless eyes, employing / A childish wonder / To which they have not statistic / Title. / A large mouth, / Lascivious, / Aceticized by blasphemies. / A long throat, / Which will someday / Be strangled. / Thin arms, / In the summer-time leopard / With freckles. / A small body, / Unexclamatory, / But which, / Were it the fashion to wear no clothes, / Would be as well-dressed / As any.