Belaunaldia

Gazteak nola saiatzen diren, eta gero hausten dituzten

aldatu egiten da garaiz garai.

Neskato marroi askeak ginen

amodioa kantuan gure azalen pean

eguzkia gure ilean gure begietan

eguzkia gure zori

eta haizeak urrezko egin gintuen

egin gintuen alai.

Botere mugatuko sasoi batean

gure promesengatik egin genuen negar

eta haur hauek hartzen ditugu orain

gure aurpegia daramaten tentazio gisa.

Baina zein itzuliko da gure zurikeria-hiri kisketaz itxietatik

haurrei ohartarazteko inora ez doan bidea

labain dagoela, guk isuritako odolez blai

haurrei ohartarazteko

ez dutela ibaia edan behar etxera bueltatzeko

zubiak erosi baititugu

gure amen urrearekin;

—orain sendia baino gehiago baikara:

konpartitzen ditugu,

odola ez ezik,

baita geure porrot odoltsuak ere—.

Gazteak nola tentatzen dituzten, eta traizionatzen

sarraskirantz edo konformismorantz

ispilu-mugimendu bat da,

denbora-kontua, ez besterik.