360 (640)

Heriotzak esanguratsu egiten du

Begia ohartu gabeko gauzakia

Ez bada Izaki zendu batek

Samurtasunez eskatzen digula

Ikatz-marrazki txiki edo Josi-lanetan

Ohartzeko, esanez

“Hau zen josi zuen azkena” —

Artatsu eta maratz harik eta —

Titarea astunegia suertatu zitzaion arte —

Puntadak gelditu ziren — beren kasa —

Eta orduan hautsaren artean paratu zuten

Armairuaren goiko apaletan —

Badut liburu bat — lagun batek emana —

Non berak arkatzez — han-hemenka —

Irudiztatu baitzituen pasarterik gogokoenak —

Lotan dautza — haren eskuak —

Orain — nik leitzen dudala — ez dut leitzen —

Negarraren etenak —

Suntsitzen baititu marrazki

Konpontzen neketsuegiak.