Inperfekzioaz

Akats. Huts. Eder.

      Badaude goitik behera begiratuz aholkua ematen dizutenak. Orojakileak. Iritzia mundu guztiak dauka, eta obra bat ikustetik ateratzen zarenean, mundu guztiak du iritzia, normala denez. Bakoitzak berea. Eta baita arrazoia ere! Bakoitzak berea!

      Artista batek obra bat egiten duenean, normalean badaki obra horren ahuldadeak zeintzuk diren. Obraren gabeziak, arrakalak, asmatzeak eta hanka-sartzeak.

      Artista obrari emana zaio eta ez bere zilborrari.

      Ez dut esaten perfekziora iritsi nahi ez dugunik. Bai, noski! Hori da bidea. Horregatik egiten dugu obra bat beste baten ondoren. Inperfektuak garelako.