ENTOMOLOGIA

Miritxikoletok hortzik gabe egiten diogu orro haizeari,

kanoi-balen antzera.

Gure begiek mosaikoan jasotzen dute mundua.

Aurrean ditugun loreak ikertuz

eta atzetik datozkigun zemaiak neurtuz

topatzen dugu

badenaren eta ez denaren arteko oreka.

Batzuetan, lozorroari eutsita bizirauten dugu,

hegada bizkortzeke

eta denboraren eta euriaren zaintzak onartuta.

Besteetan, orratz finek gatibatzen gaituzte,

hegoak zabalik kortxozko plaka batean,

zeru artifizial batean bezala.