NORABIDEA GARA
Belarjaleen ametsa baino arinagoak,
irinezko marmolez eginak,
egongela zabal honen atarian,
Lekukoa eta Ezjakina.
Arantzen ordez atzamarrak,
tximeleten ordez burrunba:
dena mugitzen hastera doa.
Bidea ez dago hankapeentzat egina,
baina Lekukoak eta Ezjakinak
aurrera jo behar dute derrigor
han urrunean ikusten den
ekaitzaren erdi-erdira.
© Igor Estankona