KOPIAK
Zaindari lanak egin diezazkizun
trebatu duzu edertasun hori,
arrabioek horia eta beltza trebatzen dituzten moduan,
inor hurbil ez dakien.
Atsegin zenuen frutarbolaren enborra
biharko goiza delako eta etziko eguerdi elkartzuta,
beti hor egon delako,
beti hor egon delako hazten,
beti hor egon delako hazten eta, era berean,
erori berria den elurra bezain zaharra delako.
Zu bezalako hogei zu egurrezko
atera litezke bertatik,
baina irudiok ez lirateke etorriko,
zu etortzen zinen antzera,
besterik ezean iluntze ito
eta luzeetan galtzera.
© Igor Estankona