BALKOITIK BEGIRA
Pentsatu duzu kontu garrantzitsuez?,
ze hizkuntzatan esango dizuten agur?
Elkarren aurka borrokan ari da jendea,
betiko etsaien antzera egiten dute larrutan,
batak bestea itotzeko kordatzen dituzte gorputzak.
Helikopteroek estaltzen dute errekaren marmarra,
baina adi entzuten baduzu ez dira helikopteroak,
zeure arbaso guztiak baino, euli izurrite handi bihurturik
zerua zeharkatzen dutenak
zure ahoaren bila.
© Igor Estankona