ITZARTUKERA
Hil nintzeneko heriotza hartan bezala,
pilota partida bat jokatzen ari ziren
zuhaixka lehorrekin.
Bidea erakutsi ziguten.
Gerizpe maitekorren irribarrea
irabazleena bezain zuria eta
galtzaileena bezain egiazkoa zen.
Hilda nengoen han nindoalako mugitu gabe,
zerua jadanik gezurra zelako,
ezerk ez zeukalako zerikusirik nirekin.
Otoitzean ari ziren
haizearen kontra jaiotakoen alde.
Guk ez genekien gure izena ukatu behar genuen
edo egia esan.
© Igor Estankona