Amodioaz hitz egitea

horteroa izan gabe.

Herriaz hitz egitea

adjektibo sutsurik gabe.

Hitzak erabiltzea

esanahiak faltsutu gabe.

Bizitza interpretatzea

azken hitza etsipenari eman gabe.

Benetako gauzak

hitz dotorez apaintzea

arinkeria koloretsuetan nahastu gabe.

Eta gehiago:

amodioaz ari dela

antzeman gabe

amodioaz hitz egitea,

eta mezua zein den erakutsi gabe

bihotzaren hezurra jotzea.

Horra idazlearen lanik zailena:

jendeak behar duenari erantzutea.