DESIRA

Biluzik egongo naiz,

zatoz zu ere biluzik

Laztanduko zaitut

eskuekin,

ahoarekin,

oinekin,

gorputz osoz

Munduaren amaierara bidaiatuko dugu

mila izerdik zipriztindutako

milaka urteko

gurdi karrankarian,

dardara bakoitza arnasa berri

Irekiko natzaizu

itsas hondoa bezala,

salda amniotiko bakarrean urtzeko

Zatoz zu ere biluzik,

beldur, nahi eta itxaropenak erantzita