---

TABAKALERAKO
ERREZITALA
(2006-04-04)

1. Eraikuntza greban
2. Teilatuko lizarra
3. Eta egunero dugu bezpera
4. Nire euskaltasuna
5. Baldintza subjektiboak
6. Ixo!
7. Zoragarria ez al da?
8. Lagun galduaren geografia
9. Real politik
10. Masusta gorri garratza
11. Erabakia
12. Lagun zaharra
13. Bolueta-Sestao 06.13

---

    LIBURUA

• Editorearen oharra
• Eskaintza
• Baldintza subjektiboak
• Zuretzat
• Eraikuntza greban
• Kapritxo zaila
• Ni gizon ergela naiz
• La vache qui rit
• Nire ibaia
• Basatzetako urretxindorra
• Zoragarria ez al da?
• Portukoplak
• Eta egunero dugu bezpera
• Apoaren amorrua
• Txoria zegoen kantari
• Zuek ez dakizue
• Zoriontasuna herri bakarrean
• Loiolako porrusalda
• Bolueta-Sestao 06.13
• William Druryren balada
• Ixo!
• Hamalau urte
• Han
• Erbien omenaldia Mateo Soinuri
• Azken hondoko tabernan
• Lagun galduaren geografia
• Bufo buforen korroka
• Non dago Basques' Harbour
• Etorbide profesionala
• Hark
• Kontzientziaren hartzea
• Ene soek
• Wafa
• Mendekua
• Amerikaren konkista ezinezkoa gertatzen bada ere kontsolagarri
• Nire euskaltasuna
• Langue et civilisation françaises
• Teilatuko lizarra
• Katu haundixa
• Agirretarren bandera
• Lafayetteren koplak
• Real politik
• Putzu guztiek dute hondoan apoa
• Aritmetika arazoak
• Neure eskua
• Masusta gorri garratza
• Camille
• Ene haserrea
• One ballad for the ravens
• Ikastea eta ikastea
• Ez zaitut gatibu nahi
• Sorginaren zurgina
• Zure begietan
• Erabakia
• Lagun zaharra

 

CAMILLE

 

 

naturazaleek pentsatu zuten jartzea

                       Pirinioetan hartza

piztia honek eman ziezaien

           benetako mendiaren antza

 

zientzialariek txip bana ipini zieten belarrian

—mendiei ez, mendiek ez dute belarririk

        belarra baizik, eta ez guztiek—

jakiteko nondik nora ibiltzen ziren

               non egiten zuten lo, non bazka...

 

Baina zer egiten dute orain

                jakin-ustel horiek?

                                   buruari hazka

Camillek esan zuelako:

                                   —Hau nazka!

        Txipari heldu eta belarritik aska!

 

        zoaz, Camille

        zoaz gugandik

        urrun, Camille!

 

nahiz zooan edo zirkuan

           sortuak edo luzaz egonak izan

abere batzuek ez dute ikasten bizitzen

                   gizaki zintzoen gisan...

horregatik saiatu behar izaten dute

naturazaleek eta zientzialariek

                           ihes egindakoaren peskizan

handiak direlako

        egiten dituen pikardiak

        beldurrak daude ardiak

                   otsoak eta guardiak

        eskopeta hartuta hartzaren ehizan

 

        zoaz, Camille

        zoaz gugandik

        urrun, Camille!

 

egunkari guztiek diote

                Camille non ote da, ai ene!

haren argazkia egin nahi dute baina

                Camille bizi da erne:

                           hartza da, eta gainera... eme!

 

        zoaz, Camille

        zoaz gugandik

        urrun, Camille!

 

        Camille!

        haizeak ikasi duen abestia

        Camille!

        Camille!

artzainak ere

        artzaina beti baita amestia...

        Camille!

zuretzat Auñamendi osoko

                       erle guztien eztia!

 

        zatoz, Camille

        zatoz gugana

        gozo, Camille!

 

artzainari ez zaizkio

                       ardiak asko inporta

Pirinioetako Printzea da

                               jauregi du borda...

 

        atean jo dute!

 

eta artzainak ez du galdetuko nor da

 

        zatoz, Camille!

        zatoz nigana

        gose, Camille!

 

 

    2001

 

 

 

© Koldo Izagirre

 

www.susa-literatura.eus