MARLAXKA

nork daki

paradisuko hondartzaren hautsa

etorri ote zaidan begietara

nik ez

edo tahitiko laminen marruek

zorabiatu ote nauten

edo ez ote nauen zeroien murgil dotoreak

altxor ugertuz bete osinera erakarri

neure burua bota baitut uretara

hegazkina urrunduz doa

gero eta txipiago ikusten dut neure burua

geldirik

eskurik eta zangorik gabe

—hegalik gabe

niregana egiteko gauza ez denez

zangoak zolako moketan dauzkat atxikiak

atzamarrak egunkariaren belarrietan

gogorturik

aginduko dien burua gabe

jauzi egiteko gauza ez direnez

—hegalik gabe

neure burua hantxe buia ñimiño bat

nork daki

zeroien marruetan laketzen

edo naufragoaren hamaka zoroan zorabiatzen

edo begiak izar iheskariz betetzen

—hori bai, izan liteke

begiak izar iheskariz betetzen

marlaxkaren bat pausatzen zaidanerako