MASTURBATUAREN GALDERAK
BIDEO PORNOAREN OSTEAN

                Gaur egun,

                begi bistakoa

                ez-ohikoki eskasa da.

                    Sergei Dovlatov

Ze usain dute aktore pornoen

alu-zakilek biharamunean?

Nola garbitzen dituzte tresnak

lan egun luze baten ondoren?

Goi-mailako prostitutek

goxotasunez ematen diete

musu etxeko bikotekideei?

Txortan egiteko gogorik

gelditzen zaie sei-zazpi

sexu aldiren ondoren?

Produktoreek ordaintzen dizkiete

operazioak eta gimnasio orduak?

Estatuaren diru-laguntzarik jasotzen dute

ipurmasailetan dituzten tatuaiengatik

edo sponsor pribatuak erakartzeko

pegatinak besterik ez dira?

Zerk egiten du titi handitze bat

finantzaketa publikorako hautagai?

Nork erabaki du gizona emakumetzea

erantzukizun autonomikoa dela?

Baina gizonak gizondu nahi duenean

nork bere kapritxoak ordaindu behar dituela?

Nork erabaki du emakumea azala dela

eta beraz aldatu egin dezakegula?

Nor da moldagarria eta nork gal dezake

bere izatea ebakuntza-gela batetik igarotakoan?

Ba al dago ezer ebakuntza-gela on batek

ezin konpon dezakeena gaur egun?

Zergatik alda dezaket neure sexua

itxura aldetik eta, aldiz, pasaportean

ezin ditut adina, naziotasuna edo

hileroko diru-sarrera aldatu?

Hemen kafeari

Baqué esaten zaio

eta txortari kafe,

konpromiso ezari askatasun

eta askatasunari auto-errealizazio,

eta gehiegitan txortari plazer.

Zenbat bideo, zenbat galera.