Txindasvinto

Galileoren dortokak Txindasvinto zuen izena. Noiznahi egoten ziren biak sala nagusian, ikatzez zebilen berogailuaren aldamenean, «ezetz igo berogailuaren gainera» esanez behin eta berriz Galileo, begirada malkotsu eta estatikoa isuriz lur axedrezatuaren gainean dortoka disekatua.

        — Alfertuta habil, Txindasvinto. Bihar goraino igo beharko duk. Tutuaren muturreraino, bai horixe, bihar ez zagok aitzakiarik.

        Gero, dortokari musu eman, eskuetan hartu eta geldirik zegoen ordulariari begiratuko zion, «berandutu egin zaiguk Txindasvinto» erranez eskaileratan gora, bere gelarantz zuzentzen ziren bitartean.