EOLO

Garrantzitsua iruditu zaio norbaiti

jainko zahar baten izena oroitzea

errepide bazterreko horma batean:

harekin identifikatuta sentituko da.

Virgiliok kontatuta dakigu kateekin

mantentzen zituela preso haizeak

eta baliteke horregatik izatea.

Gazte bat irudikatu dut nik, gauez,

berez dagokiguna baino gehixeago

irauteko gogo hutsak bultzatuta,

autoen tartekako argiengatik salbu

ikusezin zaion zerbait izkiriatzen.