Oharra liburu-dendako atean

Ez dezatela irakur minberek liburu hau,

bereziki etxeko hitz gordinen heroiek,

ninfa amoranteek, garbiaren vestaleek,

hanka bakarrean txingoka dabiltzanek,

bi esku kastuak, bata atzean eta bestea aurrean,

hitzei beldurrik gabe bi hankatan dabiltzanen ahoa

hirugarrenarekin estaltzen duten bitartean.

Eta ihes egin dezala amodioaz ez dakienak,

edozein amodioz, haragiarenaz edo

berez bakarrik mugitzen denaz, ez sari zitalak

mugitua, baizen goiko eta ia eternala.

Hemen amodioaz eta poesiaz eta aberri izateaz

da kontua: jendilajeak ez dezala igaro

atalase sakratu hau, ez dadila inor ausart

arratoiz betetzera gune aske hau,

hemen giza-duintasunez hiltzen da

Portugalen jaio izanaren minez

ariman daramaguna beste erremediorik gabe.

1972/1/25