Guido Cavalcantiren glosa

Perchi' I' no espero di tornar giammai

Jaio nintzen herrira inoiz itzultzea

ez baitut espero; itzuli arren

ez baitut espero ni ezagutzeko prest

aurkitzea, nik, orain badakit,

bera ezagutzen dudan bezala, ez baitut espero

saudaderik pairatzea; edo bera gogoratu gabe

igaro ditudan egunen kontua galtzea;

ez baitut ezer espero, eta beti erbestez

hilko naiz, baina munduari leial,

beste ezeinetan ez bainaiz erbestez hilko;

ez baitut espero, nire putzu sakonetik,

zeruari begira eta arnasa dudan aire urdin hori

baino gehiago ikustea, baztertu nauten

guztiek arnasa duten aire zikin hori;

ez baitut ezer espero, pozik espero dut.

1961/6/11