Jaiotza

Etxez betetako lurra, bide sakonaren ebakia.

Hezurreraino egiten du hozka kale estuak.

Orgaren gurpilek hausten dute harzola.

Upel handi kirrinkariak igotzen ditu, kateatuta.

Pendizak, haizeak bezala, okertzen ditu mandoak.

Oihu heraldiko bat, ahotsezko adarbakarra.

“Zer uste duzu, lan gehiago egingo duzula garrasika?”.

Zuzi ezpain, atsoa mintzo da.

Larruzko orgaria inarrosi egin da, eta oihuka hasi.

Sugar urdinak: atsoa barreka.

Mingaina legez bustita dagoen zartailuaren kolpea.

     Begiak ireki ditut. Uneari ikusi diot aurpegia.

Ezagutzen dut. Badakit noiz nagoen, berriz jaioa.

Hara-hona nabil, plazeros, hamahirugarren mendean.