Ez da lotsagarri ez ezik, mingarri ere, Gipuzkoako herri leialetan gazteria eskolatzeko, hitztxo bat bakarra ere euskaraz ez dakiten maisu erdaldunak ipintea? Eta oraindik are hilgarriago baizik ez da, eskolako haur gaixoari hitz bat euskaraz erorten zaiotelako, beraren etsai ezagutuak dauden gizon erbesteko hoiek ematen diezaten azote gogorrak ontzat eramatea. Zer bada! Hain bekatu handia da Euskaldunari Euskarazko hitza jalkitzea?

        Euskara hil ezkero Fueroak ez dira biziko; baina Euskara bizi bada, Fueroak piztuko dira. Fueroak nahi dituanak maite izan behar du Euskara, eta Euskara maite dabenak, Euskaldunai Euskaraz behar die hitz egin eta adierazo berai dagozkioten gauza guzti-guztiak. Bestela, zapuztuko da Euskara, muxinduko dira Euskaldunak, eta ihes egingo dute Fueroak.