BIZITZA EZ DEN ZERBAIT

ihesetik ihesera

jokoan burua galdu arte

non ezkutatzen ote da zentzua

nik ez dut hil nahi

ez dut bakarrik hil nahi

ez oraindik

ibai ertzean loratzen dira

beldurrak

ez dezala inork esan

erraza denik

erraza denik ezer

zaila da

zaila da zubia zeharkatzea

zaila da begiak eta oinak

lurretik altxatzea

ez esan hodeiak bigunak direla

eguzkiak ez duela erretzen

hiltzeko jaiotzen garela

bizitza bizitza ez den zerbait dela

            nik zer dakit

ihesetik ihesera

ezin bertatik aterako nauen

norbaiten zain egoteko

zulo aski sakonik aurkitu