GUGAN BEUDE

jendea badator eta badoa

ez dakit haiekin bizi izan nintzen urtetik

bizitza ahitu zitzaien arte non

egon ote ziren Rafa eta Maite

Igeldora igo ginen behin aitonarekin

etxean gelditu ote zen amona

ordurako alzheimerrak ahulduta

aspaldi bisitatu ez ditudan oroitzapenak

tortilla frantsesaren zaporearekin itzultzen naiz

amona salako bere aulkian eserita katu bat inguruan

haien ostean hautsa baino ez zen gelditu etxean

elkarri oparitutako arropa liburuak argazki-albumak

batzuetan ez ninduten ezagutzen eta

ni ere ez nintzen haiek ezagutzeko gai

hiltzen ikusi nituen eta izutu egin ninduen heriotzak

haien bizitza galdu da niretzat haientzat bezainbeste

esaten dute memorian irauten dugula

baina memoriak ere ihes egiten dit

argazki zaharrak eskuetan hartzen ditut eta

denbora memoria herri hau madarikatzen