III

aski argi badago

ispiluaren aurrean

begi-ninia niniaren pare

aski gertu jartzen banaiz

denboran atzera egin dezaket

iragan txatalak

hondo ilunaren gainean

ziztu bizian igarotzen ikusi

artasoroko jolasak

akazia-arantzak

zoriontasunaren

mila eta bat formak

guztiak gorde nahi ditut

betirako oroitu

iluntze goxoko

ur berotan bainatu

ispilutik aldentzean

begiak itxita atzeman dezaket

gogotik ihes eginagatik ere

laguntza eske datorkidan iragana