II

hogei minutu

iragan aurretik

zabaldu ditut

begiak eta pertsianak

aulkitik altxa naiz

eta argia piztu

ulertzen dudala uste arren

bakardade basatira

bultzatzen nauen

zulo beltz horrek

begiak itxiarazi

besterik ez dit egiten

egia izango da

haien minak nirea

estaltzen duela

hezurretik haragia

haragitik larrua altxatzea

honetaz guztiaz jabetzea

ahanzturaren mareagora

oinetara

noiz helduko zain

olatuen aurrean eraikitako

hondarrezko gaztelua

izan da orain arte bizitakoa