ILEGALAK

gabiltzan bideak harrapatu gaitu

esaten genuen ekintzen gaitzesteak

ez duela arazoen oinarria

konpontzeko biderik jartzen

baina ekintza eta gertaera batzuk

beti gaitzetsi izan ditugu

esaten genuen berez direla

aldakor gauzak eta baduela horretan

zerikusia haizeak abaguneak

dena ez dela beti zurrun eta berdin

eta kontrako erauntsia heldu zaigunean

giro makurrak okerrera

egin dezakeela ikasi dugu berriz

gabiltzan bideak harrapatu gaitu

eta ematen du ez gabiltzala ez dela biderik

gelditasun handi batean

isilak jan behar gaituela

gure arrazoiak defenditzen ez dakigula

ez dakigula azaltzen zergatik garen

garen bezain setatsu eta ilun

indartsuagoa dela taldearen deia

geure bihotzaren doinu hilduratua baino

eta pertsonek egindako legeek

legez kanpo jarri gaituzte

armada minorizatuen helburuekin

bat egiten dugulako eta

gehiengo diren horienekin ez

gabiltzan bideak harrapatu gaitu

gabiltzan bidean dago askatasuna

eta bide hori zikina da