kritikak:
Kapritxo bat, Aritz Galarraga,
Deia, 2015-06-06
«Lorea Gernika, kapritxo bat —auskalo jainkoena—, gutizia bat, karamelu bat irakurlearentzat, plazera hartuko duena gauza ttikietan, xehetasunetan».
Lorea, andrazko bat trenean, Alex Gurrutxaga,
Berria, 2015-06-28
«Hizkeraz ari garela, bada nobela honetan elementu harrigarri bat: betiere euskara estandarrean idatzita egonik ere, bateko eta besteko kutsua hartzen du; zehatzago, bai narratzailearen, bai Lorea Gernikaren hizkera protagonista dagoen lekuaren arabera aldatzen dira».
Pertsonaia aitzakia, Javier Rojo,
El Diario Vasco, 2015-07-17
«Pertsonaiak, dena dela, badu ezaugarri bat, izenaz aparte, agian koherentziaz agertzen zaigun ezaugarri bakarra: pertsonaia behin eta berriro iraganera begira bizi dela».
Koldo Izagirre, gizonezko (elipsia) bat, Mikel Asurmendi,
argia.eus, 2015-08-06
«Pertsona ikasia bada, baina ez da ziur ikasia izateaz. Esperientzia izugarriak bizi baditu ere, ez da ziur bere izateaz. Euskaldun peto-petoa da, zentzu horretan. Badauka jakin minik. Badu Descartes buruan, badu Maria Callas bihotzean».
Lorea Gernika, andrazko bat, Alaitz Andreu,
Aizu!, 2015-09
«Idazkera oso poetikoz blaitu ditu Koldo Izagirrek liburuaren orri guztiak, ironiaz, galderez eta hausnarketa txikiez beteriko orri horiek. Irakurketa geldoa eskatzen du, idazleak irakurketari bultzaka jardun behar izan barik taxutu duelako batzuetan ipuin autonomoak ere izan daitezkeen atalez jositako narratiba lana».
