Poesia kaiera
Plater baten beharrean
Laztana,
triste nagon
plater hegalari bat ikusi ez duen
brasildar bizi bakarra naizelako.
Nire karrikan denek ikusi
eta hitz egin diten eskifaiakoekin
ezta?, edonork ulertzen duen
erdi kariokaz erdi argiseinale berdez
asmaturiko hizkuntzan.
Barruan sartu ditun (gomitatuta)
hegan ibili ditun hor zehar
han eta bertan
ez pasaporterik ez Ogasuneko ziurtagiririk
behar izan gabe,
dolarrik gabe, laztana, dolarrik gabe.
Gainezka itzuli zitunan albistez
eta superioritatez.
Onbeharreko destainez behatzen zidatenan.
Kamioiren bat
zinema anuntzioak, karrikako zuloak
& horrelako nabarmenkeria lurtarrak besterik
ikusten ez duen Paria naun.
Badinat adiskide bat
astero doana bere platera ikustera
Itaipuko hondartzara.
Ez zidanan deus esaten, ez hitzik egiten
baina bere moldeek, bere begiek!
zoragarrizkoak zizkidatenan kontatzen
errepikatuaren errepikatzez arruntak,
plater bat entzun eta ulertzeko gauza ez den
harentzat bakarrik isilekoak.
Zergatik ukatzen zidatenan niri,
niri bakarrik, OHE bat?
menturaz, siglak ez daitezen osoro galdu,
ezer ez baitugu identifikagarriagorik
plater hegalaria baino, gaur bertan
agertua Sao Paulon, bahian,
Barra da Tijucan eta Barra Mansan.
(Herritxo honetako artzainek
trufa egiten zidatenan,
ahalegintzen bainaiz, ez alferrik,
gau eta egun
plater aleren baten burrundara,
itxura, kolorea, atzematen).
Ongi dakin edonondik
dabiltzala: hondartzetan
gaur mugatu zeru mugagabean
baita Teresopoliseko lagun baten baratzean ere.
Ongi dakin eta min hartzen dinat
horren uste gutxi izanik
ametsez eta atzarrik
lurrosteko hainbat gauza ikusitako
poeta honengana:
ikusia naun laminak, herensugeak
Ilunpeetako Printzea
emazteki bihurtu goizargi boreala
Congonhas da Luzeko zazpi goigaingeruak
eta beste munduko arima eztiak proguan.
Baina platera, platera?
Ihes eta barre egiten din
nire bilaketaz.
Izugarri hurbil iragan zuan bat (ziostatenan)
ia neu igurtzian. Ez huen ikusi? Ez nian ikusi.
handik jaitsi zuan (omen)
morroitxo tornasolatu adeitsu bat
besotik tira egin zidaan: Goazen (o: planx).
Ba ote…?
Horixe ziostatenan auzokoek
eta nik, deitu bazidaten ez bazidaten
soraio eta belarribako itsu
pasatzen utzi neure txanda.
Laztana, tristetxu nagon, tristetzar nagon
Rua do Ouvidorren hain maiz ageri diren
plater hegalarietako bat ikusi ez duen
bakarra naizelako.
Falta um disco
Amor, / Estou triste porque / Sou o único brasileiro vivo / Que nunca viu um disco voador. / Na minha rua todos viram / E falaram com seus tripulantes / Na língua misturada de carioca / E de sinais verdes luminescentes / Que qualquer um entende, pois não? / Entraram a bordo (convidados) / Voaram por aí / Por ali, por além / Sem necessidade de passaporte / E certidão negativa de ir, / Sem dólares, amor, sem dólares. / Voltaram cheios de notícias / E de superioridade. / Olham-me com desprezo benévolo. / Sou o pária, / Aquele que vê apenas caminhão / Cartaz de cinema, buraco na rua / & outras evidências pedestres. // Um amigo que eu tenho / Todas as semanas vai ver o seu disco / Na praia de itaipu. / Este não diz nada para mim, / De boca, mas o jeito, / Os olhos! contam de prodígios / Tornados simples de tão semanais / Apenas secretos para quem não é / Capaz de ouvir e de entender um disco. / Por que a mim, somente a mim / Recusa-se o ovni? / Talvez para que a sigla / De todo não se perca, pois enfim / Nada existe de mais identificado / Do que um disco voador hoje presente / Em são paulo, bahia / Barra da tijuca e barra mansa. / (os pastores desta aldeia / Já me fazem zombaria / Pois procuro, em vão procuro / Noite e dia / O zumbido, a forma, a cor / De um só disco voador.) / Bem sei que em toda parte / Eles circulam: nas praias / No infinito céu hoje finito / Até no sítio de um outro amigo em teresópolis. / Bem sei e sofro / Com a falta de confiança neste poeta / Que muita coisa viu extraterrena / Em sonhos e acordado / Viu sereias, dragões / O príncipe das trevas / A aurora boreal encarnada em mulher / Os sete arcanjos de congonhas da luz / E doces almas do outro mundo em procissão. / Mas o disco, o disco? / Ele me foge e ri / De minha busca. / Um passou bem perto (contam) / Quase a me roçar. não viu? não vi. / Dele desceu (parece) / Um sujeitinho furta-cor gentil / Puxou-me pelo braço: vamos (ou: plnx), / Talvez...? / Isso me garantem meus vizinhos / E eu, chamado não chamado / Insensível e cego sem ouvidos / Deixei passar a minha vez. / Amor, estou tristinho, estou tristonho / Por ser o só / Que nunca viu um disco voador / Hoje comum na rua do ouvidor.