Eskertza

Mugimendu feministari, oro har, eta kide feminista bakoitzari, banaka. Bereziki, gu ikustera bi-hiru-lau aldiz etorri zinetenei.

Gertukoenei, martxo eta azaro kaotikoenetan gu jasateagatik eta goxatzeagatik.

Martari, hasiera-hasieratik gugan sinesteagatik eta bukaerara arte gu zaintzeagatik.

Cesarri, kanpo eta barru begiradarengatik.

Lierniri, gure neurrira egindako atrezzoagatik.

Maleni, iruditeriagatik.

Amaiari, gu duintasunez dantzan jartzeko ahaleginean amore ez emateagatik.

Programatzaile eta antolatzaile guztiei, eta soinu eta argi teknikariei. Kontrapisuak aurrera eta atzera garraiatzen eta igogailurik gabeko lekuetan egurrezko panelak hirugarren pisuetaraino eramaten lagundu diguzuenei.

Eskerrik asko, bihotzez, zuek gabe ezinezkoa zatekeelako.