10. Agurra

 

ane:

                Doinua: Cumbia sobre el mar

        Gazte eta ez hain gazte

        hartu dugu elkar,

        bigarren aldiz zenbat

        gai, barre eta negar...

        Gehitzen doaz sorkuntza

        prozesuan zehar

        ea hirugarrena ez

        dugun egin behar.

 

bea:

        Argi ibili gurekin

        bagarenez gauza

        autodefentsarekin

        harrotzeko hautsa

        ez gelditu geldirik

        gerriari bultza

        ezin bada dantzatu

        ez da gure iraultza.

 

ane eta bea (puntuka, azken errepikapena biek batera):

        Lepoan daramagu

        sistemaren soka

        eta ez al dihoa

        estutuz metroka?

        Behar bada amorruz,

        haserre, orroka…

        Baina umoretik egin

        dezagun borroka!