MINTZA ZAITEZ...!

      Lazkau: 1966' ko Jorrailla' k 10

      (Pazko jaia)

 

Mintzatu zaitez gaur mintza,

eliz-dorreko ezkilla,

ta garailearen aintza

nora-nai zabal dedilla!

 

Zure dilinda ozenez

urra zazu gau ixilla,

Aitak Amasa-gurenez

piztu du-ta Seme illa.

 

Gizondu baño len zuan

ospe ta aintza guzian

aupa du Aitak zeruan

eseriaz besaulkian.

 

Erregearen buruntza

ezarri dio buruan,

eta zeru-lurrak gurtza

damaiote lur-zeruan.

 

Berak lotu bai-du egun,

bien arteko etena;

ta Adanek lortu zigun

gizon denon ondamena,—

 

—aiza du Gurutz-abean;

ta len zan baño aintzago,

Jainko Aitaren eskubian

oron bitarteko dago.

 

Mintzatu zaitez gaur mintza,

eliz-dorreko ezkilla,

ta garailearen aintza

nora-nai zabal dedilla!

 

Lurra sortuz-geroztik gaurdano

entzun ez danaren berri

dezazula iragarri

ludiaren azken-mugaraino:

              Yopu-morrontzan,

              bizirik illik zetzan

              erria nor zan

              geroak jakin dezan!

 

Erri bat bazan, edestiz aundi,

Abrangandik aterea,

obenaren ondorea

beregain zuna, t'ainbat gizaldi,

              askatasuna

              emango zion Yauna

              zetorren eguna-

              zai igaro zituna.

 

Izar-begiak, amets-iduri,

argi zegion antzinan,

Erria argi-eziñan

begia-klixka, lotsaz urduri...

              Oraintsu zoli,

              aldiz, erdi itzali,

              ortzean argi

              zegion Israeli.

 

Gizaldien joan-etorrian

lora zitzaion ametsa,

—sortzetik zuan irritsa—,

suzko-itsas udagorrian

              umo gozoko

              sagarraren antzeko

              biur zaio gaurko

              egun-xinta orduko.

 

Urrun doakio gaua

argi dirdirai igesi,

illeta negar-soñua

duala azken-eresi.

 

Poz du len-aurra erdi dun

amak baño areago,

etsaien menpetik egun

aske, yarei bai-dago.

 

Iritxi zaio gaur gero

oroituko dun Pazkoa,

erligioko egi oro

lotzen dun korapilloa.

 

Mintzatu zaitez gaur mintza

eliz-dorreko ezkilla,

eta Erri onen aintza

noranai zabal dedilla!