Lau iloba emeren ostean

jaio zen arra. Azkena.

Ez zen ondorengo gehiagorik tokatzen.

Amamak sukaldeko mahai gainean jartzen zuen

erdi-erdian

txerrikume guria

udako berotan ia arroparik gabe.

Musu ematen zion hankartean.

Lotsatu egiten nintzen

amama olgetan ikusita.

Behinola, beste norbaitek muin eman ote zion nire aluari?

Semearen sexua lehen aldiz musukatu nuenean

sukalde hartako usaina

etorri zitzaidan ezpainetara.

Eltze bat borborka hankartean.