Nire intimitateak hautsia du sarraila

hona hemen nire etxe huts eta zarpaila.

Nire intimitateak horma-paper horia

noizbait izan zen horren urre eta loria.

Nire intimitateak egurrezko karranka

maizegi egiten du inor gabe hatsanka.

Nire intimitateak leiho likitsak ditu

begiratzeagatik ez baitira garbitu.

Nire intimitateak ez du tximiniarik

negua igaro du kea amestu barik.

Nire intimitatea urruneko uharte

presio eltzeak kantuz lurrundu duen arte.