Armairuaren zoko ezkutuenean

artropodoaren exoeskeletoa

zintzilik.

Ondo dakizu

ez zara berriz atzoz jantziko

estuegia da egun berria

joskurak eteten zaizkio.

Eta zein eder deritzozun

kanpo hezurdura maiztuari

bigarren eskuko merkatuan

saltzeko irrikagarri.

Damu zara

orain begiratzen diozun modura

orduan ez ferekatu izanaz.

Eta poltsikoetan sartzen dituzu eskuak

zure atzamarrek isil elkar laztantzeko.