Igandea.

Bazkaria amarenean,

ereinotz usaina labetik.

Nork ez du atsegin umeak ikustea

oilasko hezurrak miazkatzen,

euren atzamar txiki likinekin

esnezko haginak haragian sartu eta

eskuetatik ihes egin nahi duela dirudien

hegaztia hozkatzen?

Amaitu dutenean,

irribarrez garbitu dute musua.

Goxo zeuden platerean

amaren izter eta hegalak,

oilasko hezurrak baino zuriago.