itxarongelak emakumez beteta daude

inprimakiak betetzen

letra txukunez, patxadatsu

ez nahastu hizkuntzaz, esaten digute

eskuen begien keinuen lengoaia unibertsalaz

sartu banan-banan zure letra bakoitza karratutxoetan

ez nahastu zure izenaz zure sexuaz zure jaiotze dataz

ez igaro orriaren mugak

boligrafoa arma arriskutsua da

nork esan behar digu noiz den gure txanda

nork agintzen itxaron

84-B zenbakia gaur, 32-D atzo

eskuak tinta baino beltzago

haragia orriak baino zimurrago

okertutako letrak gure gorputzak

urteen zenbakiz hornitzen

emakumeok itxarongelaz beteta gaude

aulkiek ez dute gugatik iraultzarik egingo