erortzen doaz teilak

zartatuak leihoetako beirak

sarraila ahulegia ateak

norena da gorputza

gorputz izateari uzten dionean?

adabatu eta jositako harriak

euriak garbitutako etxe-aurreak

pipiak hartutako zutabeak

norentzat ziren laztanak

eta norenak?

nork jotzen dio larrua nori?

nork egiten maitasuna?

nork ematen, nork ebasten dio

beldurra gorputz horri?

nork zauritzen, nork hebaintzen?

noiztik da

hiri haragitu

haragi etxekotu

noiztik etxe publikoa?

belarrezko odol

asfaltozko ile

egurrezko hezur

zeinentzat eraiki da

norena da

nork nahi du?

erortzeko zorian dagoen etxea

desjabetutako giltzen lekuko isila.