EURITAN

Hirugarren aldia da zure bila irteten dena.

Orain arte ikusi izan zaituen lekuetan

topatu nahi zaitu: betiko tabernetan,

terrazetan, bizikletan paseoan.

Jai da udako lehen euri egun honetan.

Bakardadearentzat aterperik ez eta

guardasolen artean xerka dihardu.

Arkupetan besarkatu nahiko zintuzke.

Sosegu gabetu egin da pentsatzean

bera ez dabilen edozein lekutan egon zaitezkeela.