Bulkada
Bulkada
2010, poesia
120 orrialde
978-84-92468-25-6
azala: Oihana Leunda
Jon Benito
1981, Zarautz
 
2001, poesia
 

 

BARRENEKO BOZA

 

 

Isiltzen dudana

esan gabekoa

gorde nahi nukeena.

 

Kontrolagaitza da

bizi gose

nirea izan gabe nirea.

 

Erantzun batzuen galdera

naizenetik nintzenera:

nola izango naiz lehengo berbera?

 

Isiltzen dudana

esan gabekoa

itxi nahi nukeena.

 

Bizigarria da

min iturri

nirea izanik gurea.

 

Plazer, amorru eta pena

aspaldikoa eta azkena

ni ez naiz nintzena.

 

                * * *

 

(Nintzenari buruzkoak

hasi behar nuke kontatzen

aurrerantzean hirugarren pertsonan)