Visitatione

lohitu ziren hezurrak eta

erosi nuen albatros bat disekatua

zuri arima bijilatzeko —ilunabarrean

behatz sutuekin lurperatzen ditut

egunak —hauts distirant hori

zedroetatik jaulki eta erortzen dena

maskararen eta aurpegiaren arteko arrailean

su gaizto bat isurtzen da orduan uretatik

azalak hartzen du zapore igeltsu eta lizunezkoa

hiri honek ezagutzen ez duen

heriorik ez grinarik ez dago —baina gorputzak

ez du dena gogoan —gauak sutan

esnatzen du bihotza —hegal itzaltsuak dituen

planktonezko eta mamuzko jauregi hau

gero

agian adituko da munduaren kanta

ia garbia —errautsak non murgiltzen naizen

denbora irekitzera eta amodioaren argiak

ilundutako zure eskuak bisitatzera