deia

deiarekin dator dena

gaurik gau esan genuena eta

inoiz esanen ez duguna —bidaia

kotoi adar bat iletik zintzilik dugula eta

azalean hegazti ildo baten sentipen freskoa

deiarekin dator dena —otsoak

ipotxak aztiak putak marikak eta

nahigabeen erredentzioa —bizarra mozten ari zarela

bakarrean bost hamarkada egin zituen gizasemea

ikusten duzu ispiluan eta

orain begira daukazu —kexaka eztulaz

hortz minaz eta oharkabean egindako ebakiaz

sudurzulo ondoan bizar xaflaz

ez dakit nor den —hala ere badakit itoko dela

azalera argian handik urruntzean eta

atea zabaltzean etxetik marmarka ateratzeko: deiarekin

dator dena

gauaren deiaren barnean