Nire lagunaren trikimailua kalean

ustekabean aurkitu zintudan kantoi batean bermatua

begirada hutsa jendetza iragazten, gelditu nintzen,

irribarre egin nizun, etorri zinen, oinez joan ginen

etxera elkarri sorbaldak ukituz

eskatu zenidan dutxa bat, etzan nintzen,

entzun nuen ura irristatzen zure gorputz

hiriz eta mutilez zikinduan,

nire izan ez ziren egun eta gau eta egunez zikinduan,

etzanda egon nintzen zain, beste zigarro bat,

eta oraindik zain nago,

maite ditut barre egiten duten gorputzak, freskoak,

irekitzen zaizkie behatzen gaueko samurtasunari eta ahoaren

desira hezeari, beti ibili eta aurkitzen duen horri

goitik behera ukitzen zaitut

ezagutzen zaitut nire dudan auhenean,

ilunpean

kontatu zenidan tarzanen abentura sinetsezin bat, aditu nizun

gela isilean diz-diz zegiten nik bakarrik ikusten nituen hegaztiek

irribarre egin nuen bururatzean zer hondar aurkituko nituen

goizean lurrean

esperma orbanak, zapatila zulatuak, galtza zikin-zikinak,

kazadora pegatinaz betea, izerdiak gogortutako galtzerdiak,

galtzontzillo hautsiak, kaka-zirriztekin

eta zure eskuak, oroitzen naiz,

batez ere zure esku handi-handiak nire bular gainean,

zure gorputz biluzia, ohe ertzean, soseguan lo