Mezua

entzudazu

izan dezazula eguna garbia

eta argiaren izkinetan biltzeko bidea

zure heriotzarako jaki nahikoa

zoaz inork ez ezagutu ez hitz eginen

ez dizun lekura —zoaz krater itzalien

eremu horretatik —zoaz gaua bezain

ur-ate zabaletik

utz estal zaitzan kasiopeen arbolak

eta oxidoak herdoildu olo eroak

hegadaren zorabioan aireratzen —utz

udazkenari txori eta erleak ekartzen

gaua kutunki igaro dezaten

zure bihotz laburrean —entzudazu

izan dezazula eguna garbia

eta eraikizazu azalaz haraindi gatz-arkua

betiereko pausalekua —itsasoa, nondik ihes

joanen den gaur gaueko eter-bisitaria

ez ahaztu suz hauts-desirez

betetako itsasontzia —ez ahaztu urrea

bolia —hirurogei pilula hilgarriak

gosarian