Korrontea

Bizitzatik hain urrun eta heriotzatik hain gertu,

orain ezin bainaiz inorekin horretaz eztabaidan aritu,

erauzi diot neure puska lurrari;

ziri berde bat sartu diot bihotz erdian ozeano bareari

eta neure burua hondartu dut.

Aireratu dira eztainuzko txoriak, eta kanela-usaina!

Bakarrik nago nire hiltzailearekin, denborarekin.

Mozkor eta urdin, krisalidara sartuko dugu geure burua.