LURREZ ESTALI

 

 

 

Lurrez estali 2024ko maiatzaren 31n estreinatu zen, Izurako Latsaga jauregian.

 

 

 

Lantaldea:

 

Zuzendaritza eta idazkera: Ximun Fuchs.

Zuzendari laguntza: Philippe Ducou.

Antzezleak: Ramon Agirre, Amaia Arbeletche, Aline Etxeberri, Manex Fuchs, Ximun Fuchs, Xumai Gorostiaga, Arantxa Hirigoyen, Maitexa Iriarte, Jean Marie Irigoin, Miren Tirapu, Iñaki Ziarrusta, Oier Zuñiga eta Latsagako zaldiak.

Eszenografia: Latsagako jauregia.

Jantziak: Iasone Parada.

Argiztapen diseinua eta teknika: David Bernues, Iñaki Ziarrusta.

Soinu diseinua: Philippe Barandiaran.

Bideo sorkuntza eta argazkiak: Eñaut Castagnet.

Diseinu grafikoa: Oier Zuñiga.

Ekoizpena: Iasone Parada, Argi Perurena.

Bitartekaritza: Arantxa Hirigoyen.

Kanpo begirada: Ander Lipus.

 

 

 

Pertsonaiak:

 

beñat: Baserriko seme gehiena. Laboraria, alarguna, zorretan baina denari heltzen saiatzen.

maitexa: Beñaten emaztea zena, baserria eramaten zuen minbiziak harrapatu aitzin. Mamu baten moduan, hor da, gau oro, zaldi gainean, heldu den ekaitzari so.

aña: Baserriko bigarrena. Goi mailako estudioak egin ditu, Baionako unibertsitatean irakasle. Hautetsia da.

iban: Añaren senarra. Errienta, hiritarra errotik. Ez da laketzen baserrian, eta beharturik joaten da familia bazkarietara. Erabat zinikoa, frustrazioaren ohiko gordelekua.

patxi: Aña eta Ibanen semea. Ukazioan, bere historia ulertu nahian eta gurasoekin hausturan. Kontrako bidea egin nahian, jakin gabe, lurrik gabeko laborari izateko gogoekin dabil.

paxkalin: Baserriko hirugarrena. Gazte ederra. Alferrarena egiten, belarzale amorratua, jarrera punki xamarra. Idazlea da, baina ez da irakurria. Noiztenka bertsoz mintzo da.

petri: Baserriko aita. Zaharminak joa, dementzia puntu askorekin, biziaren azken hatsari lotua.

janbattitt: Auzoko baserriko semea. Maizter familia batetik heldu, pixkanaka bailarako baserriak berrerosten saiatzen dena, herriko jauna bilakatzeko asmoz.

elena eta ekhi: Auzoko berriak. COVIDaz geroztik baserrian instalatuak. Auzoko lanak egiten lagundu nahian.

edurne: Beraien alaba. Gurasoen aurkakoa, absolututasun baten bila. Hasiera batean oldarkor soil gisa agertu arren, pixkanaka funtsezko erronkak planteatuko ditu.

postaria: Moda zaharrekoa, mozkor galanta eta herriko semea.

polizia

herriko jendea