Biografia

PABLO BARRIO

      Agurainen jaioa 1958an, Lasarte-Orian bizi da. Antzerki testugintzan jorratu du bere ibilbide literarioa orain arte. Helduentzako antzerkiaren arloan, Toribio Altzaga Saria jaso zuen 2003an —Ama, hor al zaude? (Euskaltzaindia-BBK, 2004)— eta 2007an —Kontrako bidean (Euskaltzaindia-BBK, 2008)—, eta Santurtziko Serantes Saria 2008an —Armiarmategian (Artezblai, 2009)—. Haur antzerkiaren esparruan Nafarroako Antzerkiaren Eskolaren Haurrendako Antzerki Testuen Lehiaketaren Saria 2006, 2007 eta 2021ean irabazi zuen, Abere hatsak eta beste animalia batzuk (Iruñeko Udala, 2007), Hankazikin (Zubia-Begiko, 2020), eta Dzist-dzast! antzerki testuekin, hurrenez hurren. Gaztelaniaz, El sitio del fin del mundo (Txertoa, 2021) antzerkirako bakarrizketatik asko duen narrazioa argitaratu zuen.