Bildumaren zerrendara itzuli


 

HILDAKO LAGUNEI GUTUNA - 3

 

                Iragana memorian existitzen da, HILIK!

                                                           Tadeusz Kantor

 

 

begira iezadazue

              ahanzturatik

              oroiminetik

 

nire gorputzean denak

jarraitzen du berdin

 

ezustean betetzen diren

mendekuak dira nire ferekak

 

horma hautsien geografia

              haragizko gezurra

              iluntasuna

izerditan dago bertan

eta nire ahoa ez da

etorkizunarekin mintzo

 

 

 

© Oier Guillan

 


www.susa-literatura.eus